مين أنا؟

انا يحيى، مقيم في القاهرة.

بحب الانترنت، ومهتم بالمصادر المفتوحة، والخصوصية، والأمان على الشبكة.

درست ادارة أعمال، وشغلي اﻷساسي هو بناء قواعد بيانات عن ظواهر اجتماعية، وفي وقت فراغي انا ممكن اطور موقع الكتروني بسيط، أو أقدم مساعدة تقنية، أو أساعد شخص/مجموعة على استخدام الانترنت بشكل آمن.

مش قارئ نهم، ولكن بحب القراءة بشكل عام، وقراءة المدونات والمقالات أكثر، ومعايا Kindle وشايفه أهم حاجة اشتريتها في حياتي.

بحاول هنا اكتب عن الحاجات اللي بحبها، واللي ممكن في البداية تكون أغلبها تقنية، ولاحقًا ممكن أتكلم عن البيئة، والفيجانيزم، حاجة شوفتها أو قريتها، أو مجرد فكرة جت في دماغي.

أنا مؤمن بالحلول الفردية بخطواتها البسيطة، وأنه الفرد هو محور التغيير وبدايته، أيا يكن التغيير ده هياخد وقت قد ايه.

عندي أمنية اني أعيش في سلام بقدر الامكان، ولما امشي مكونش اتسببت في ضرر ومخلفات كتير ورايا.

بس كدة، لغاية دلوقتي.